الجنس تحت مسمى الحب
النهاردة حبيت اطرح موضوع ساخن للنقاش وانا شفت الموضوع على احد المنتدايات الاخرى ولقيت انة مهم
ألا وهو ( الحب عند فئه سخيفه من الناس )
لاحظت في الفتره دى حاجات كتير غلط تندرج تحت مسمي الحب وحاجات ربنا يحفظ أولاده وبناته منها زى العلاقه الجنسية مثلاً واللى هى أقدس وأطهر حاجة خلقها ربنا جوة الانسان وبيقدمها للأخر كوسيلة للتعبير عن الحب مش هدف فى حد ذاته
وللأسف كتير بقوا فاهمين الموضوع ده غلط تلاقى مثلاً شاب يتعرف على بنت سواء فى الجامعة أو فى الكنيسة أو جيرانه أو .. أو ..
ويكّون علاقه معاها فى البداية بتكون تحت مسمى الصداقة ومع الوقت يبدأ يحشو دماغها بكلمات الحب والغزل اللى يمكن عمرها ما سمعتها من حد قبل كدة ...
ومع إزدياد الانانية والعاطفة (الخاطئة) اللى بعيد عن ربنا
ومع قلة معرفتهم الصحيحة لمفهوم (( الحب الحقيقى ))
يغلطوا غلطة العمر كله !!!
وللأسف هما الاتنين معتقدين انهم قدموا الحب للأخر !!!
مع انهم أخدوا مش أعطوا ،،،
وللأسف الغريب ان غلطتهم دى إتبنت على الفكر الغريب اللى أصبح عـُرف شائع عند الغالبية
إن (( الحب = جنس ))
يعنى لو بتحبنى بجد إدينى جسدك . . . ! ! !ولو بحثنا أكتر ممكن نلاقى البنت دى إتأثرت بكلام صاحباتها اللى دلوقتى بقوا يتفاخروا إن ((عندهم حبيب))
يا ترى حبيب إيه ده اللى دمر مستقبلها !!!
تفتكروا أسباب المشكلة دى ايه ؟؟؟
وهل فيه علاج وتصحيح للفكر الخاطئ عن (( مفهوم الحب )) عند الشباب فى الأيام السودا اللى احنا فيها دلوقتى ؟؟؟
أتمنى انى أسمع رأيكوا فى الموضوع الجاد ده
لأنه أصبح دلوقتى زى ما بيقولوا (( السم فى العسل )) أو (( الحب فى الجنس )
17 comments:
اى حاجه غلط بقيت بتحصل دلوقتى
بتكون تحت مسمى الحب
الولد يقول للبنت انتى لو بتحبيتى اعملى كذا
ولو رفضت علشان عارفه ان دا غلط
يقولها خلاص يبقى انتى مش بتحبينى
وهيه ياحرام ميهونش عليها وتثبتله انها بتحبه وبتموت فيه
وتنفذ كلامه
لكن فعلا كتيييييير بيلوث مفهوم الحب بالغرائز الشهونيا
مع الرغم انى الحب اطهر وانقى من كده لانه صفه الهيه
وانا شايفه ان اساس كل الامور دى عدم التوعيه والتربيه الدينيه الصحيه والمسئوليه الاكبر بتكون على البيت
مش الكنيسه لازم يكون فى تربيه ليها اسس سيلمه وصداقه بين الاب والام واولادهم سواء شباب او بنات
اسفه انى طولت بس لو فضلت اتكلم من هنا لبكره مش كفايه وممكن كمان الكنيسه تعمل اجتماعات للاسر بكيفية نشأة الاولاد نشأه كنيسيه صحيحه فى ظل ايطار دينى وواجب علينا كشباب بنناقش الموضوعات دى داخل المنتديات اننا ننقل الافكار دى لكنائسنا
شكرا ليك اخونا الغالى وبجد موضوع مميز جداااا ويستحق ياخد اعلى تقيم
بنت الفادى
موضوع رايع بس انا مامن بشى انى محدش بيعمل شى غصب عنوا يعنى والبنات بقيوا تفكيرهم زى الولاد واكتر واللمفروض حدود العلاقه بين الولد والبنت ترسمها البنت اكتر من الولد والبنت هيا الى تعمل استوب وكمان مفيش بنت بتعمل شى غصب عنها ده شى الكلمتاكد منوا علشان كده انا من راىى المفروض نوعى البنات اكتر من الاولاد لانهم الفاصل فى ده وعلى فكره لو عملت كده مع واحد والحب مكملش البنت دى مش بتتجوز لانى هيا كده انتهتوكمان حتى الولد مظنش هيرضىياخدها لانى زى مبيتقال الى تعمل كده معايا تعملوا مع غيى وانا اش ضمنى بعد الجواز علشان كده لازم توعيه بججد لبناتنا ربنا يحفظنا من الافكار النجسه والضعفات
الحب / هو مجمــــوووع الأخلاقيــات – التي يمكن ان اعبر عنها بمصطلح
” النبل ” في أبســط و أضخــم معهذا,وان كلام الماديين اللذي ينسفون مفاهيم الحب ضمن بيئة الأسرة و الزواج, مطلقين العنان للـ " محب " ( ذكر كان أو انثى ) , لأن يمارس الجنس كل يوم مع طرف جديد باسم الحب, مدعين أن الحب اللذي ان الجنس هو تتويجاً للحب, كلام لا يتطابق و المنطق السليم ...
والعقل والوجدان الانسانىومتناسين ان الحب مرتبط بوجود الله ومن لا يعطى حب حقيقى طاهر لايعرف الله لان الله محبه
الله خلق فينا الجنس كاحتياج أساسى وعملية حيوية هامة جداً مثل الأكل والتنفس ... ولكن عند محاولة إشباع أي احتياج في غير وقته المناسب ومكانه الصحيح وأسلوبه السليم , فإن هذا بالتأكيد يتسبب في مشكلات كثيرة نحن في غني عنها. مثلاً ... هل يصح للواحد منا كلما جاع أن يأكل أول ما تراه عينه أو أول ما تصل إليه يده ؟! ... أو هل يصح أن تفتحي فمك تحت الماء وتتنفسي الحبيب او الحبيبه الواثقه من نفسها عليها وتعرف ما اوصانا به وارشدنا به كتابنا المقدس
- ستقابلينه أثناء الخطوبة في دون خوف أو خجل من أحد .
او قبل الخطوبه وهنا يتبين ان الارتباط او الحب ما هو الا ارتباط للمتعه فقط وليس حب بل حب شهوة فقط تنتهى بانتهاء فعلها بل وهنا تشكرى الله لانه كشف لكى حقيقة المحب وقد يفقد الثقه فى شخصك بعد الزواج
بالتأكيد لا يمكن إشباع أي احتياج بطريقة صحيحة إلا في الوقت والمكان المناسب وبالأسلوب السليم والصحيح .
اذا تم بين الحبيبين زواج فما الجديد الذى يقدم بعد فى اطار هذة العلاقه
انما اذا نظرنا الى الاسباب فانها مجموعة متشابكة
1 اسريه وهذا من خلال التنشئه الاجتماعية مثل العلاقات الاسرية بين افراد الاسرة ومدى ارتباط الاسرة بالوازع الدينى ومخافه الله
2-اصحاب السوءمن الطرفين انثى او ذكر
3- اوقات الفراغ وكيفيه استغلالها
4-الاختيار بين الطرفين هلى اختيار يتفق مع العقل ام خارج نطاق الاخلاقيات النبيلة
5- وجود الانترنت اليوم فى كل بيت وكيفية استغلالة
6- دور الكنيسه لتوضيح هذة الامور من خلال اجتماعات الشباب والشابات والتطرق للحديث فى هذة الامور بدون خجل
7- المصيبه الاكبر وقرات هذة المشكلة تحت اسم الحب عندما تحب فتاة شايا من دين وعقيدة اخرى وتقول لا استطيع البعد عن حبيبى مهما كلفنى الامر
تعقيب
هكذا الجنس خلقه الله فينا لنمارسه في إطار الزواج . ليس قبل الزواج ؛ وليس في تعدد العلاقات الجنسية ؛ وإلا أصبح مرفوض وله أضراره ومشاكله الكثيرة إجتماعياً ونفسياً وصحياً ... بل وقد يثمر أطفال لا يقبلهم المجتمع ولا يعترف بهم أهل الدين . والجنس بين الزوجين ، هو أعمق وأسمى مستويات الحب بينهما وللاستمتاع بمشاعر الحب العميقة لا بد من استخدامها في الوقت المناسب وبالاسلوب الصحيح
ميرسى على الموضوع المهم بس بجد خطير جدا هذا المفهوم للحب ربنا يملئ قلوبنا بمحبة المسيح فبذلك الحب لا يوجد مجال لاى شئ اخر ميرسى
للاسف الميديا هى الى بتزرع
المفاهيم الغلط دى والى بتخلى ناس كتير يبقوا متخيلين ان ده هو الصح
شكرا ليك على الطرح ده وربنا يكون مع كل ولاده
__________________
بنا يملا قلوب الشباب بمخافته ومحبته
حتى لا يخطئوا اليه
شكرااا جزيلااااااا
الموضوع ده خطير جداااا ولازم كل بنت تاخد بالها من نفسها كويس جداااااا واى واحد بيساوى الحب بالجنس ده يبقى خسارة معاملته اصلا ...الحب يعنى ادى مش اخد وبس....
الحب يعنى اخاف على اللى بحبه مش اعرضه للاذى ...الحب يعنى احترام ومعنى انه يعمل كده يبقى هو مش بيحترمها اصلا ....حافظى على نفسك من كل ذئب بيحاول انه يفترسك ..اوعى تصدقى اى كلمة نابعة من الفم وبس وانتى اكيد حتحسى بالكلام اللى طالع من القلب .....بنات ربنا يحافظوا على نفسهم واوعى تبيعى نفسك تحت مسمى الحب الزائف ....
بالنسبة للشباب ....فكر شوية قبل ما توقع اى بنت وتضرها ..فكر انها اختك أو قربتك أو خطبتك خالى بالك اللى هتزرعوه النهارده بكرة حتحصده اكيد ......
أحنا فى ايام محتاجين فيها اننا نقرب من ربنا اكتر من كده
هو اللى هيحافظ علينا
ربنا يحافظ على كل اولاده وبناته
أمين
فرق كبير بين الحب الطاهر وحب الجسد او الشهوة
فالمفهوم لد الشباب تبادل العواطف عن طريق الملامسة
او الالتحام الجسدى . ويرجع هذا الى البعد عن الله وتعاليم
السيد المسيح عن الطهارة والنقاء . ايضآ للاسرة الدور الاكبر
فى التوعية للشباب حتى لا يسلك فى طريق الشيطان والتنازلات
تحت مسمى الحب
بالنسبه للشباب الى بيحبو بعض او حتى مخطوبين بس بيشوفو ان العلاقه دى هى الحلقه الناقصه
فى الحب بيكون الشوق ليها او الفضول هو الغالب خصوصا فى ظل كل المشاكل الى حولين الشباب بالاخص اما بالنسبه للمتزجين فكل شىء بالنسبلهم متاح لكن مع الوقت بيكون شىء عادى جدا وبيلاقو ان المعنى الحقيقى للحب والاسمى مش فى الجنس فى حجات كتير وبتكون كل يوم قصاد عنينا وكاننا بنقول لبعض بحبك كل لحظه وبيكون الجنس فى اللحظه دى مجرد معنى من المعانى دى بدليل ان الناس الكبيرة فى السن او الاغلب بتكون رغبتهم فى الجنس احيانا انتهت لكن مش معنى كده ان الزوجين دول بطلو يحبو بعض بالعكس بيكونو وصلو لاكبر معانى الحب واعمقها وبيوصلو العطاء لكل واحد فيهم............اتمنى اكون افتكم
الى بيحب بجد بيبقى خايف على حبيبتة مش علشان الشهوة وبيبقى خايف لاكن الى بيدور على الجنس دة مبيكونش بيحب وبيبقى تثبيت وخلاص مع حبيبتة ودة غلط
انا شايف ان ده غلط من البيت الي هي اتربت يه م الاول اكيد هو ده الي كان بيحصل كانت تروح تسال مامتها على حاجه تزعقلها وتقولها ده كلام كبار واكيد ده كان بيخلي البنت تستفسر اكتر واي كلمه حنان من اي ولد انه بيحبها هتحبه على طول وهتبدا تنفز كلامه في اي حاجه تحت مسمي الحب
ده موضوع مهم جدا شكرا لاثارته
سعات المشكله بتبقي ان احنا مش فاهمين معني كلمه (حب )ومعناها ايه وصفاتها الحلوه ايه
لما اقول بحب واحد او بحب واحده يعني بخاف عليها وهي بتخاف عليا الحب مجرحوش ولا هو يجرحني ومفكرش في اي حاجه وحشه ممكن تسبب ضرر ليه
ف المفروض ان البنت او الولد اللي بيطلب منه كده يعرف ان اللي بيطلب منه الكلام دا مش بيحبه دا عايز حاجه تانيه غير الحب
مهما كانت درجه التعلق به لازم اسيبه علشان اهم حاجه اني بعمل حاجه بتزعل ربنا مني وكمان هو عمره م هيكمل معايا
المفروض اللي بيطلب منه الكلام دا يفكر في التصرف قبل م يعمله
الحب اجمل وارق من اننا ننجس معناه بالطريقه ديه ونخده ستار لشهواتنا واهوائنا ربنا يرحمنا ويحفظنا من الشرور
مساء الخير عليكم جميعا
من اخر الكلام مع الاسف على ما وصل عليه الحب والمحبة في وقتنا هذا من جميع نواحيه وكانه كلما يتقدم الزمن كلما يفقد الحب معناه الحقيقي.المهم من السبب؟
السبب هو الانسان نفسه المسؤول عن هذا الشي وليس الزمن.وكل من الذكر والانثى يرمي اللوم على الاخر.لماذا يقول الولد ما دام هذه البنت فعلت مثلما اريد اذن هي ستفعله مع غيري ولماذا البنت هي اللتي تعمل ستوب والتي يجب ان تخاف على شرفها وعلى نفسها وان تخاف من كلام الناس عليها؟
هل البنت هي اذا غلطت او فعلت هذا فهي بنت سيئة ولن يتزوجها احد؟
والولد الذي يفعل الذي يعجبه ويغلط ويلعب بمشاعر و شرف البنت ويجرب اخلاقها بهذه الطريقة؟هل هو على صواب ام يحسب حساب الفتاة الخاطئة؟ام نغض النظر عما فعله ويكون هو الملاك وهي الشيطان وينتهي الامر؟
اذن الولد الذي يتكلم مع بنت بهذه الطريقة هو اسؤا منها لانه هو الذي جرها الى هذا الطريق ومع الاسف النسبة الاكثر في هذا الغلط هم الرجال وهم لا يعرفون انفسهم ماذا هم بفاعلين باثم.فارجوا من الكل ان نصلي من اجل ان يفهم الولد قبل البنت معنى الحب الحقيقي وان يضعوا المسيح في قلوبهم وسيعرفوا معنى الحب الحقيقي.امين
الحب مرطبت بلاخلاق والقيم الذي ربنا عليها ولادينا منزو صغرنا الحب الحقيقي هو الحب النابع من القلب ليس له اي اغراض شهواني وجسدي وعشان يبقا الحب كده مهما ان كان الحب الي بين الولاد والبنت حب صادق فالابد من حدوده له في كل شئ في التعامل واسلوب الكلام ومش كل الكلام وعلي ااما اعتقد ان كل ده يرجع لسلوك واخلاق البنت لنها هي اساس الموضوع كله وكمان الشاب لابد ان يكون له اخلاق ويجب ان يكون بينهما احترام متبادل وقبل كل ذالك هو حب الرب هو اساس الحب نفسه وزي ماقال المسيح من جمعه الله لايفرقه انسان ولو الحب ده صادق ومن القلب ويكون روح الله ساكن فيه فاتاكد ان هذا من تدبيره وان يكون الحب ده رب المجد هو الذي سمح به لاكن الحب الشهواني ينتج من تسيب اخلاق افتاه والشاب ينتج من عدم التربيه الصحيحه والاخلاق والتعليم الديني الصحيح حب الشهوه والجنس لايعتبر حب بل هو رغبه ورغبه خاطئه مرفوضه قيما واخلاقيا واجتماعيا ودينيا يجب علي كل الكنايس التحزير والتنبيه علي هذا الموضوع الشيق ده لانه موضوع يستاهل المناقشه فيه لان لاسف ماعتش في الزمن ده حد ممكن يثق في حد وبقين في زمن صعب بجد متشكره ليكم كلكم علي الموضوع في غايه الاهميه ويجب المناقشه فيه بجديه تامه لانه موضوع حاس للغايه
وربنا يستر علي اولادنا وبناتنا من هذه الخطيه
موضوع جميل واعجبني جدا وبعض التعليقات لكن البعض لا. حيث يريدون رجم البنت (الزانية) دون الولد (الزاني) مع ان الشريعة حكمت على الاثنين بنفس العقاب وربنا يسوع لو رأى الرجل لسامحه هو ايضا.من يقولون ان البنت لا تفعل شئ الا برغبتها الم تقرأوا عن امنون واخته ثامار او عن دينة ابنة يعقوب ارجوكم لا تعمموا ولا تستسهلوا بالقاء الوم على البنات او الاعلام اين كان الاعلام من الاف السنين انها طبيعة الانسان الساقط وميوله الخاطئة ذكر وانثى. اتفق جدا مع من يريدون الحلول بالتنشئة المسيحية السليمة حيث لايغيظ الوالدين ابنائهم بل يتقربوا منهم وفي نفس الوقت يؤدبوهم يعطونهم حب نظيف وثقة بالنفس واحترام وقيمة ان كان الشاب او الشابة لديه كل هذا هل يذهب و يبحث عن حب غير نظيف مملوء بالاحساس بالذنب؟ اشك وارجوكم لا ترجموا المخطئين بل سامحوهم واقبلوهم ولا تبسطوا الامور لتستريحوا سريعا بل ابحثوا عن حقيقة الامر وحاولوا وضع انفسكم مكان من وقع بهذا الحجر لتعرفوا حالتهم. ارجو ان تسامحوني ان اخطئت او ضايقت احد لكني عبرت عن رأيي واختلاف الرأي لا يفسد للود قضية
Post a Comment
لا تقراء وترحل
اضف تعليقا